ब्रुटल्याण्ड कमिसन
- औपचारिक नाम: वातावरण र विकाससम्बन्धी विश्व आयोग (World Commission on Environment and Development - WCED)
- स्थापना: सन् १९८३ मा संयुक्त राष्ट्र संघका महासचिवद्वारा गठन गरिएको,
- अध्यक्ष: ग्रो हार्लेम ब्रुटल्याण्ड (नर्वेको पूर्व प्रधानमन्त्री)
- प्रतिवेदनको नाम: 'हाम्रो साझा भविष्य' (Our Common Future)
- प्रतिवेदन प्रकाशन भएको वर्ष: सन् १९८७
- प्रमुख योगदान: यस कमिसनले 'दिगो विकास' (Sustainable Development) को अवधारणालाई परिभाषित गर्दै विश्वव्यापी रूपमा लोकप्रिय बनाएको,
- दिगो विकासको परिभाषा: "भविष्यका पुस्ताको आफ्ना आवश्यकताहरू पूरा गर्ने क्षमतामा कुनै सम्झौता नगरी वर्तमान पुस्ताका आवश्यकताहरू पूरा गर्ने विकास नै दिगो विकास हो"
- कमिसनको जनादेश (Mandate): वातावरणीय अवस्थामा आइरहेको तीव्र ह्रास र यसले आर्थिक तथा सामाजिक विकासमा पार्ने असरहरूको बारेमा अध्ययन गरी समाधानका उपायहरू सिफारिस गर्ने,
- समावेशी संरचना: कमिसनले फराकिलो दृष्टिकोण समेट्नका लागि आफ्ना कम्तीमा आधा सदस्यहरू विकासोन्मुख राष्ट्रहरूबाट हुनुपर्ने व्यवस्था गरेको,
- ऐतिहासिक प्रभाव: यस कमिसनको सिफारिसकै आधारमा सन् १९९२ मा ब्राजिलको रियो दि जेनेरियोमा 'संयुक्त राष्ट्र संघ वातावरणीय तथा विकास सम्मेलन' (Earth Summit) आयोजना गरियो, जहाँ दिगो विकासलाई विश्वव्यापी लक्ष्यको रूपमा स्वीकार गरिएको,
- SDGs को आधार: हाल कार्यान्वयनमा रहेका १७ वटा दिगो विकास लक्ष्यहरू (SDGs) को आधारशिला ब्रुटल्याण्ड प्रतिवेदनकै "वातावरण, अर्थतन्त्र र समाजलाई सन्तुलनमा राख्नुपर्ने" मान्यतामा अडिएको,
