२८औं राष्ट्रिय चिया दिवस
➤नेपालमा चिया दिवस हरेक वर्ष वैसाख १५ गते मानिन्छ भने अन्तर्राष्ट्रिय रुपमा चिया दिवस हरेक वर्ष मे २९ मा मनाइन्छ। (जानी राखौं: मङ्सिर १ लाई राष्ट्रिय कफी दिवसको रुपमा मानिन्छ।)
➤वि.सं. २०५४ देखि नेपालमा चिया दिवस मनाउन सुरु गरिएको हो।
➤वि.सं. २०८१ को राष्ट्रिय चिया दिवसको नारा : “संस्कृती, कृषि, पर्यटन र औद्योगिकीकरण, नेपाली चियाको दिगो बजारीकरण”
तलको तालिकाले केही सम्बन्धित वर्षहरूका लागि राष्ट्रिय चिया दिवसको नाराहरू प्रस्तुत गर्दछ:
| वि.सं. | चिया दिवसको नारा |
|---|---|
| २०७७ | “समृद्ध नेपाल र सुखी नेपालीको अभियानमा चिया उद्योगको विकास र संरक्षण गरौँ।” |
| २०७८ | “स्वदेशमा उत्पादित चिया पिउने गरौँ, स्वस्थ, समृद्ध र आत्मनिर्भर बनौँ।” |
| २०७९ | “गुणस्तरीय चिया उत्पादन र सुनिश्चि बजार, चियाको निर्यात आर्थिक समृद्धिको आधार।” |
| २०८० | “गुणस्तर, निर्यात र आर्थिक उपार्जन बढाऔं, चिया क्षेत्रलाई राष्ट्रको समृद्धिसँग जोडौँ।” |
➤नेपालमा चिया खेती वि.सं. १९२० देखि सुरु भएको हो। (इलामका तत्कालीन बडाहाकिम गजराजसिंह थापा (जंगबहादुर राणाका ज्वाई) ले वि.सं. १९२० सालमा इलामबाट चिया खेतीको सुरुवात गरेको मानिन्छ।)
➤नेपालमा पहिलो पटक वि.सं. २०१६ सालमा झापामा बुधकरण चिया बगानको स्थापना भएको थियो।
➤नेपालमा चिया खेतिको प्रबर्द्धनको लागि वि.सं. २०२३ असोज २३ गते नेपाल चिया विकास निगमको स्थापना भएको हो।
➤तत्कालीन राजा वीरेन्द्र वीर विक्रम शाहदेवले वि.सं. २०३९ सालमा झापा, इलाम, पाँचथर, धनकुटा र तेह्रथुम जिल्लालाई चिया क्षेत्रका रूपमा घोषणा गरेपछि नेपालमा सरकारीस्तरबाट व्यावसायिक चिया खेतीको सुरुवात भएको पाइन्छ।
➤चिया तथा कफी खेती र प्रशोधन गर्ने कार्यमा सामन्जस्य ल्याउन, आधुनिक प्रविधिको प्रयोगद्वारा उच्च गुणस्तरको चिया तथा कफी उत्पादन गर्ने र बजार व्यवस्थापन तथा निकासी पैठारी गर्नका लागि वि.सं. २०५० जेष्ठ २० गते राष्ट्रिय चिया तथा कफी विकास बोर्डको स्थापना भएको हो।
